كرّم مهرجان الدار البيضاء للفيلم العربي في دورته السادسة المقامة في دولة المغرب، أحمد حلمي، أمس، وأعرب حلمي عن سعادته الكبيرة بهذا التكريم، وقال : سعيد ومبسوط، وتكريمي مسؤولية كبيرة ويا رب أكون قدها.
تصريحات أحمد حلمي بالمغرب
وأضاف حلمي : السينما حلوة أوي، عبارة عن حواديت ناس، وبتجمع ناس حلوين، وإحنا بنشتغل شغلانة كلها مشاعر وبتغير البني آدمين، وقد إيه شغلانتنا دي مهمة لكل اللي فيها، وكل الصناع اللي بيعملوا فيلم، بيعملوا حكاية ممكن تأثر في ناس كتير جدًا.
وأشاد حلمي بالسينما المغربية قائلًا : السينما المغربية سينما أصيلة، ودائمًا بتهتم بالإنسان ومواضيعها بشبهها بالدانتيلا، فكرتها بتكون صغيرة، لكنها بتبقى ذات حجم إنساني كبير.
واختتم حديثه قائلًا : سعيد أوي بوجودي هنا، وبحب المغرب والدار البيضاء وبحب جمهور المغرب حب من القلب، وعلى طول باجي وبشوف ترحاب وطاقة إيجابية، وكل مرة باجي ببقى مبسوط وبمشي مبسوط.
تصريحات أحمد حلمي بماستر كلاس مالمو
وفي وقت سابق، شارك أحمد حلمي في جلسة ماستر كلاس ضمن فعاليات الدورة الـ15 لمهرجان مالمو للسينما العربية في مايو الماضي، حيث تحدّث بصراحة عن مشواره الفني.
وقال حلمي خلال اللقاء : بقالي 3 سنين بحاول أعمل 3 أفلام في السنة، لكن دايمًا بتقابلني مشاكل، سواء في مراحل الكتابة أو تنفيذ السيناريوهات، ومع ذلك، في السنوات القادمة هيبقى فيه تجارب مختلفة من كل الأنواع وليست في الكوميديا فقط.
وتحدث حلمي عن رؤيته لإيرادات الأفلام، قائلاً : في بداياتي كنت بهتم جدًا بفكرة المنافسة والإيرادات، بس مع الوقت بقيت لما أشتغل بنسى الموضوع ده، وعمري ما زودت إفيهات علشان الفيلم ينجح، وبعد ما السنين عدت، قلت لنفسي إن بعد خمس سنين من عرض أي فيلم، محدش بيفتكر جاب كام إيرادات.
وأضاف : فيلم صنع في مصر مثلًا، منجحش وحقق إيرادات ضعيفة، بسبب طرحه مع فيلم لأحمد مكي، أما عن تجربته في البرامج، فأكد حلمي : برنامج لعب عيال كان تميمة حظ بالنسبة لي.
وختم حلمي حديثه برؤيته لفكرة الاعتذار قائلا: ثقافة الاعتذار عندي مختلفة، ومش ممكن أعتذر لو حاسس إن الناس هتفهم إن ده خوف من حاجة ممكن تضر مستقبلي، لازم أكون صادق، وهعتذر لما الأمور تهدى، واستكمل : السوشيال ميديا موجودة بقوة ومفيش حد يقدر ينكر ده، بس اكتشفت إن ملهاش علاقة بالشارع